Літаратурнае чытанне

Велагонка

Мікола Маляўка

Гоншчыкам удачы

Зычыць наўздагон

Гарадок дзіцячы —

Цэлы стадыён.

Гоншчыкі не кволыя,

Гоншчыкі пакуль

Едуць — кола ў кола,

Едуць — руль у руль.

Хто вянок прымерае?

Хто з іх пераможа?

Ні адзін наперад

Вырвацца не можа.

А вянок гатовы,

Цешыць ён, прыкметны,

Хоць і не лаўровы,

А з вясновых кветак.

Дзівяцца наўкола

3 фінішу пакуль:

Сталі — кола ў кола,

Сталі — руль у руль.

Гарадок дзіцячы

Зноў прыйшоў у рух:

Як вянок удачы

Падзяліць на двух?

Пашумелі крышку

I рашылі ўсе:

Хай вянок без крыўды

Носяць па чарзе.